«Máńgilik El» poıyzy Qazaqstannyń 33 eldi mekeninde bolady

ASTANA. QazAqparat - Astanada Qazaqstan Respýblıkasy Táýelsizdiginiń 25 jyldyǵyna arnalǵan jalpyrespýblıkalyq aktsııa bastaldy. Mamandar men túrli vedomstvolardaǵy sarapshylar mingen «Máńgilik El» poıyzy qazaqstandyqtarǵa bes ınstıtýtsıonaldyq reformanyń iske asyrylýyn túsindiredi.

Aktsııa uıymdastyrýshylarynyń habarlaýynsha, «Máńgilik El» poıyzy Qazaqstannyń 33 eldi mekeninde bolyp, Naýryz merekesiniń qarsańynda saparyn Almatyda aıaqtaıdy.

«Aktsııanyń negizgi leıtmotıvi - Qazaqstan Respýblıkasy Táýelsizdiginiń 25 jyldyǵy, 1 naýryz - Alǵys kúnine arnalǵan sharalar tsıkly, sondaı-aq bes ınstıtýtsıonaldyq reforma, «Máńgilik El» jalpyulttyq patrıottyq ıdeıany iske asyrý. Qazaqstan Respýblıkasy Táýelsizdiginiń 25 jyldyǵy Qazaqstannyń jasampaz bastamalarynyń belgisimen ótýi tıis», - delingen «Qoǵamdyq kelisim» habarlamasynda.

«Máńgilik El» - bul qazaqstandyqtardy qaıyrymdylyq qyzmetke tartýǵa baǵyttalǵan «Qaıyrymdylyq kerýeni» atty jańa ulttyq qaıyrymdylyq naýqany - ol qazaqstandyq birtektiliktiń,, qoǵamdyq kelisimniń jáne jalpyulttyq birliktiń nyǵaıýyna septigin tıgizetin joba, dep atap ótti uıymdastyrýshylar.

Poıyz toqtaıtyn eldi mekenderdiń turǵyndary qoǵamdyq qabyldaý týraly tolyq aqparat ala alady, keńesterdi túrli vedomstvolardyń mamandary ótkizedi, budan basqa, mádenı-buqaralyq jáne oıyn-saýyq sharalaryn ótkizý josparlanyp otyr.