«Máńgilik el» ıdeıasyn kıno men kitap arqyly nasıhattaý kerek - G.Ábdiqalyqova
"Jalpyulttyq "Máńgilik el" ıdeıasyn alǵa jyljytý jáne halyq sanasyna bekitýdiń jańa ádisteri BAQ arqyly ǵana emes, sonymen qatar kınoındýstrııanyń, kompıýterlik baǵdarlamalar, bestseller-kitaptardyń jańa formattary arqyly júzege asýy tıis. Aqparat tasymaldaýshylaryna salynatyn jańa kontent, sıýjetter, mınıatıýralar, suhbattar, stsenarııler kerek", - dedi ol búgin Qazaqstan halqy Assambleıasy Ǵylymı-sarapshylyq keńesiniń keńeıtilgen otyrysynda.
Onyń esepteýinshe, sol kezde ǵana "Máńgilik eldiń" ult toptastyrýshy ıdeıalary - azamattyq teńdik, eńbekqorlyq, shyndyq, ǵylym men bilimge degen qushtarlyq, toleranttylyq árbir qazaqstandyqtyń jeke qasıetterine, ómir saltyna aınalady.
"Ol úshin ǵalymdardyń qyrýar eńbegi qajet. Ǵalymdardyń kúsh salýymen ańyz, epostarymyz ben dástúrlerimiz arqyly jas urpaqtyń boıyna "Máńgilik el" ıdeıasynyń qundylyqtaryn engize alamyz", - dep atap ótti Memlekettik hatshy.
