«Máńgilik El» ıdeıasy birlik pen kelisimdi nyǵaıtýǵa baǵyttalǵan - QR Memlekettik hatshysy
QR Ulttyq muraǵaty uıymdastyrǵan is-sharaǵa Parlament depýtattary, memlekettik organdardyń ókilderi, tarıhshy ǵalymdar, muraǵatshylar qatysty, dep habarlaıdy Aqordanyń baspasóz qyzmeti.
Memlekettik hatshy óz sózinde Memleket basshysy usynǵan «Máńgilik El» jalpyulttyq patrıottyq ıdeıasy halyqtyń dińgegi berik tarıhı sanasyna negizdelgenin jáne birlik pen kelisimdi nyǵaıtýǵa baǵyttalǵanyn atap kórsetti. G.Ábdiqalyqova sondaı-aq ǵylymı jáne tarıhı qundylyǵy bar muraǵattyq qujattar men materıaldardy saqtaý men zerdeleýdiń jáne nasıhattaý jónindegi jumystardy jandandyrýdyń aıryqsha mańyzdylyǵyn, óıtkeni muraǵattyq qujattar qazaqstandyq patrıotızmniń qaınar kózi ekenin, jańa jetistikterge jetýge jigerlendiretinin atap ótti.
Kórmege qatysýshylar nazaryna Ulttyq muraǵat qorynda saqtaýly qujattardyń túpnusqalary men kóshirmeleri, «Mádenı mura» memlekettik baǵdarlamasyn iske asyrý barysynda Qytaı, AQSh, Reseı, Túrkııa, Frantsııa jáne basqa da elderdiń muraǵattary men ǵylymı mekemelerinen tabylǵan Qazaq handyǵynyń tarıhyna qatysty qujattar, sondaı-aq Qazaqstan Respýblıkasynyń belgili qoǵam qaıratkerleriniń jeke qorlary usynyldy.
Memlekettik hatshy kórme aıasynda Ulttyq muraǵat pen Arheografııa jáne derektaný ulttyq ortalyǵynyń ujymdarymen kezdesti. Onyń barysynda muraǵat isin damytýdyń ózekti máseleleri talqylandy.
Kezdesý sońynda G.Ábdiqalyqova memlekettik organdar basshylaryna elimizdiń muraǵat isin odan ári damytýǵa baǵyttalǵan naqty tapsyrmalar berdi.
Qazaqstan álemniń 190-nan astam elinen 1400-ge jýyq múshesi bar Halyqaralyq muraǵattar keńesiniń tolyq quqyly múshesi bolyp sanalady. Búgingi tańda Ulttyq muraǵattyń qorynda 2007 jyldan qazirgi ýaqytqa deıingi kezeńde qabyldanǵan 220 772 qujat saqtaýly tur.
Arheografııa jáne derektaný ulttyq ortalyǵynda 26 eldiń 111 muraǵaty men kitaphanalarynan 46 myńnan astam qujattar men qoljazbalar tizbesin quraıtyn avtomattandyrylǵan «Elektrondy katalog» aqparattyq júıesi jumys isteıdi.
