«Máńgilik el» bolamyz degen jurt saılaý arqyly oǵan úlesin qosýy tıis - B. Beknazarov
ASTANA. QazAqparat - «Máńgilik el» bolamyz degen jurt Prezıdent saılaýy arqyly oǵan úlesin qosýy tıis. Búgin Parlament Senatynyń jalpy otyrysynda Qazaqstan halqy Assambleıasy Keńesiniń kezekten tys Prezıdent saılaýyn ótkizý jónindegi bastamasyn talqylaý barysynda senator Bektas Beknazarov osylaı aıtty.
«Kóne Túrki memleketiniń bıleýshisi Kúltegin babamyz osydan myń jarym jyl buryn «Halqyna - begi, begine - halqy sengen el uzaq jasaıdy» degen eken. Osy bir ataly sóz kúni búginge deıin irgesi shaıqalmaıtyn eldiń uranyndaı bolyp kelse, álemde turaqsyzdyq oryn alǵan ekonomıkalyq daǵdarys pen halyqaralyq ahýal shıelenisken dál qazirgi kezeńde barlyǵymyzdyń basty da naqty ustanymymyz bolýy kerek», - dedi senator B. Beknazarov.
Depýtattyń paıymynsha, álemde qalyptasqan saıası qarym-qatynastar men ekonomıkalyq daǵdarys deńgeıi aldaǵy jyldary tek shıelenise túsedi. Buny saıasatkerler ǵana aıtyp júrgen joq, kúndelikti ómirdiń ózi kórsetip te jatyr.
«Bolashaqty toqtatý múmkin emes, biraq ony josparlaýǵa bolatyndyǵy týraly Elbasy osydan on jyl buryn ótken saılaýdan soń-aq aıtqan bolatyn. Endeshe, bıylǵa josparlaǵan Prezıdent saılaýyn, qoǵamdyq máni orasan zor osy sharany eldik pen birliktiń merekesi etýge biz de biraýyzdan ún qosýǵa tıispiz. «Máńgilik el» bolamyz degen biz osy Úndeýdi qoldap, el ıgiligine óz úlesimizdi qosýǵa tıispiz», - dedi B. Beknazarov.
