«Máńgilik Aspan astynda» atty 10 serııaly derekti fılmniń tusaýkeseri ótti
Fılmdi QR Mádenıet jáne sport mınıstrliginiń tapsyrysy boıynsha Qazaq ǵylymı-zertteý mádenıet ınstıtýty men «Mergen» stýdııasy túsirdi. Bul biregeı joba N. Nazarbaevtyń «Ǵasyrlar toǵysynda» kitaby negizinde Qazaq handyǵynyń mereıtoıyna arnaıy daıarlandy. «Máńgilik Aspan astynda» fılminde eldiń basty tarıhı oqıǵalary barynsha qamtylǵan.
«Búgingi osy tanystyrylym erekshe ekenin barlyǵymyz sezinip otyrmyz. Sebebi, bul derekti fılmniń tusaýkeseri erekshe maqtanysh sezimin uıalatady. Osy oraıda bul týyndyny shyǵarǵan Qazaq ǵylymı-zertteý mádenıet ınstıtýty men fılmniń rejısseri Baqyt Qaıyrbekovke úlken alǵysymdy aıtqym keledi»,-dedi QR Mádenıet jáne sport mınıstri Arystanbek Muhamedıuly.
Atap aıtqanda, fılmniń ár serıaly óz aldyna týyndy bolyp tabylady, ıaǵnı onda kóshpeli halyqtardyń ejelgi zamannan bergi dúnıetanymy jaıly, álemdik órkenıet , uly jetistikter men jańalyqtar, sondaı-aq ózge de qundylyqtar kópshilik nazaryna usynylyp otyr.
