Mánerlep syrǵanaýshylar Astana kýbogi úshin baq synasady
ASTANA. QazAqparat - 5-6 jeltoqsanda «Alaý» muz aıdyny saraıynda mánerlep syrǵanaýdan alǵash ret «Astana Figure Skating Cup - 2018» jarysy ótedi. Jarysqa respýblıkanyń barlyq óńirleriniń sportyshlary qatysady, dep habarlaıdy elorda ákimdiginiń resmı saıty.
Sporttyq sharaǵa Qazaqstannyń barlyq óńirleriniń mánerlep syrǵanaýshylary qatysady dep kútilýde. Qyzdar men bozbalalar arasynda jeke syrǵanaýdan uıymdastyrylatyn jarys biryńǵaı respýblıkalyq jiktemege jáne 2018-19 jylǵy maýsymǵa arnalǵan ISU erejelerine sáıkes ótkiziledi.
Jarystyń júldegerleri medaldarmen, dıplomdarmen jáne estelik syılyqtarmen marapattalatyn bolady. Shara maqsaty - dene shynyqtyrýdy, sportty jáne salaýatty ómir saltyn nasıhattaý, mánerlep syrǵanaýshylardyń sporttyq sheberlikterin ushtaý, myqty sportshylardy anyqtaý, jattyqtyrýshylardyń ózara tájirıbe almasýyna múmkindik berý. U
ıymdastyrýshylar - qalanyń mádenıet jáne sport basqarmasy, «Alaý» muz saraıy men sporttyq-buqaralyq sharalardy ótkizý dırektsııasy» KMM.
