Mánerlep syrǵanaýdan jasóspirimder arasyndaǵy Gran-prı serııasy bıyl ótpeıdi
NUR-SULTAN. QazAqparat - Halyqaralyq konkımen júgirýshiler odaǵy (ISU) mánerlep syrǵanaýdan jasóspirimder arasyndaǵy Gran-prı serııasynyń bıylǵy maýsymyn ótkizbeý týraly sheshim qabyldady, dep habarlaıdy Olympic.kz.
Mundaı sheshimge halyqaralyq odaq medıtsınalyq komıssııa jáne týrnırdi uıymdastyrý jónindegi jumys tobymen keńesken soń keldi.
Gran-prı serııasynyń ótkizilmeýine memleketter arasyndaǵy áýe qatynasynyń tolyqtaı ashylmaýy sebepker bolyp otyr.
Sondaı-aq, Japonııa bastaǵan birqatar elder sportshylardy jarysqa jiberýden bas tartýda.
«Biz jasóspirimder arasyndaǵy mundaı aýqymdy jarystyń ótpeı qalǵanyna ókinish bildiremiz. Alaıda, mundaı qadamǵa sportshylardyń densaýlyǵyn oılaǵandyqtan baryp otyrmyz» delingen ISU resmı málimdemesinde.
