Mánerlep syrǵanaýdan Olımpıadaǵa Qazaqstannan tuńǵysh ret úsh sportshy qatysady

ASTANA. QazAqparat - Ońtústik Koreıanyń Phenchhan qalasynda ótetin XXIII qysqy Olımpıada oıyndaryna mánerlep syrǵanaýdan tuńǵysh ret Qazaqstannan úsh sportshy qatysady, dep habarlaıdy QazAqparat.

Osyǵan deıin sporttyq dodalardyń tóresi sanalatyn Olımpıada oıyndaryna sporttyń bul túrinen Denıs Ten men Elızabet Tursynbaeva joldama jeńip alǵan bolatyn. Sondaı-aq, Elızabet Tursynbaevanyń álem chempıonatyndaǵy kórsetkishiniń nátıjesinde Qazaqstan taǵy bir lıtsenzııaǵa qol jetkizý múmkindigine ıe boldy.

Endi osy úshinshi joldamaǵa kim ıelik etetini jeltoqsan aıynyń sońynda el birinshiliginde belgili bolady.