Mánerlep syrǵanaýdan «Kóktem juldyzdary» respýblıkalyq týrnıri ótti
ASTANA. QazAqparat - 15-16 mamyr kúnderi Qyzylorda qalasyndaǵy «Muz aıdyny» sport kesheninde mánerlep syrǵanaýdan jasóspirimder arasynda «Kóktem juldyzdary» respýblıkalyq týrnıri ótti, dep habarlaıdy QazAqparat tilshisi.
Jarysqa Aqtóbe, Atyraý, Ońtústik Qazaqstan jáne Qyzylorda oblystarynyń sportshylary qysqa jáne erkin baǵdarlamalarda 1,2-razrıad boıynsha baq synasty.
Bıyl ekinshi márte uıymdastyrylǵan respýblıkalyq týrnırge 5-15 jas aralyǵynda 50-ge jýyq mánerlep syrǵanaýshy qatysty. Nátıjesinde Qyzylorda oblysynyń sportshylary 17 medaldi ıelendi.
Týrnır jeńimpazdary: Melısa Pak, Ramılıa Qambarova, Temirlan ıAkııaev, Aıanat Qasymova, Alına Jandildaeva, Manas Bektashov, Dıana Djarmuhamedova.
Kúmis júldegerler: Adelıa Mahatova, Karına Lı, Bıbinur Derbisálıeva, Aıymjan Inoıat.
Qola júldegerler: Malıka Djarmuhamedova, Narıman Moldabek, Nuraı Naqyp, Amına Sultan, Jansaıa Esen, Arıana Dıgaı.
Jeńimpazdar men júldegerler dıplomdarmen, medaldarmen jáne estelik syılyqtarmen marapattaldy.
