Mánerlep syrǵanaýdan eresekter saıysyna qatysý jasy 17-ge deıin kóterilmek
NUR-SULTAN. QazAqparat – Halyqaralyq konkımen syrǵanaýshylar kongresi (ISU) mánerlep syrǵanaýdan eresekter arasyndaǵy jarysqa qatysý jasyn 17-ge deıin kóterý máselesin daýysqa saldy, dep habarlaıdy QazAqparat BBC News saıtyna silteme jasap.
Jas shamasy mejesi birtindep kóterilmek. Atap aıtqanda, 2023/24 maýsymynda sportshylardyń jasy qazirgi 15-ten 16-ǵa kóterilse, 2024/25 maýsymynda eresekter arasyndaǵy saıysqa 17 jastan bastap qana qatysýǵa ruqsat etiledi.
Demek, 2026 jyly Italııada ótetin kelesi Olımpıadaǵa 17 jasqa tolǵan mánerlep syrǵanaýshylar jiberiledi.
ISU ókilderiniń aıtýynsha, bul sheshim jas sportshylardy qorǵaýǵa yqpal etedi. Olardyń fızıkalyq jáne psıhıkalyq saýlyǵy basty nazarda bolýy kerek.
Aıta ketsek, sportshylar jasyn kóterý máselesi kóp jyldardan beri qozǵalyp keledi. Kongrestiń máseleni daýysqa salýyna bıyl Pekındegi Olımpıadada Reseıdiń 15 jasar sportshysy Kamıla Valıevaǵa qatysty týyndaǵan dopıng daýy túrtki bolyp otyr.
Kongres otyrysy Taılandta ótti. Daýys bergen 100 delegattyń 16-sy qarsy bolǵan.
