Mánerlep syrǵanaýdan ÁCh: Qazaqstan namysyn Denıs Ten, Elızabet Tursynbaeva syndy sportshylar qorǵaıdy
ASTANA. QazAqparat - 28 naýryz kúni Amerıkanyń Boston qalasynda bastalǵan mánerlep syrǵanaýdan álem chempıonatynda Qazaqstan úsh kategorııada óner kórsetedi: erlerdiń mánerlep syrǵanaýy, áıelderdiń mánerlep syrǵanaýy jáne muzdaǵy bı.
Alǵashqy eki kún sportshylardyń daıyndyǵyna arnalǵan. Jarys 30 naýryz kúni bıshilerdiń muzdaǵy qysqa baǵdarlamasynan bastalady. Qazaqstannyń namysyn 24 jastaǵy Daryn Júnisov pen 18 jastaǵy Anastasııa Hromova qorǵaıdy. Jarysty tikeleı efır arqyly Astana ýaqyty boıynsha saǵat 20:35-te KazSport telearnasy kórsetedi.
31 naýryz kúni saǵat tańǵy 4:05-te erler arasynda qysqa baǵdarlama jarystary ótedi, muzǵa Sochıdegi Olımpıada oıyndarynyń qola júldegeri Denıs Ten shyǵady. Sol kúni saǵat 22:00-de áıelder arasyndaǵy jarystar bastalyp, onda Qazaqstannyń namysyn 16 jasar Elızabet Tursynbaeva qorǵamaq.
Erkin baǵdarlama:
1 sáýir - 5.20 - Muzdaǵy bı
2 sáýir - 4.35 - Erler
3 sáýir - 4.50 - Áıelder
