Mánerlep syrǵanaýdan 2022 jyly álem chempıonaty ótetin qala anyqtaldy
NUR-SULTAN. QazAqparat - Halyqaralyq konkımen júgirýshiler odaǵy (ISU) mánerlep syrǵanaýdan 2022 jyly álem chempıonatyn qabyldaıtyn qalany anyqtady, dep habarlaıdy Olympic.kz.
Sonymen, álemdik dodany Frantsııanyń Monpele qalasy ótkizetin boldy
15 maýsymda ótken ISU keńesinde osyndaı sheshim qabyldandy. Álemdik syn 21-27 naýryz aralyǵynda uıymdastyrylmaq.
Sondaı-aq, mánerlep syrǵanaýdan ótetin iri jarystar kestesi de anyqtaldy. 2021 jylǵy tórt qurlyq chempıonaty Avstralııanyń Sıdneı qalasynda, 8-14 aqpan aralyǵynda ótedi.
2022 jyldyń 3-6 naýryzy aralyǵynda konkımen júgirýden álem chempıonatyn Norvegııanyń Hamar qalasy qabyldaıdy. Al sol jyly short-trekten álem chempıonaty Kanadanyń Monreal qalasynda, 18-20 naýryz aralyǵynda ótkiziledi.
