Mánerlep syrǵanaý: Qazaqstan alǵash ret juptyq synda baq synaıdy
ASTANA. QazAqparat - Estonııa astanasy Tallınde mánerlep syrǵanaýdan ótetin «Chellendjer» sanatyndaǵy Tallinn Trophy-2018 týrnırinde qazaqstandyqtar alǵash ret juptyq synda óner kórsetedi, dep habarlaıdy QazAqparat.
QR Ulttyq Olımpıadalyq komıtetiniń baspasóz qyzmetinen málim etkendeı, elimizde alǵash ret mánerlep syrǵanaýdan sporttyq jup jasaqtaldy. Jansaıa Adyhanova men Ábish Baıqanov sporttyq jup retinde alǵash ret aıdynǵa shyqpaq.
Sondaı-aq, 26 qarasha men 2 jeltoqsan aralyǵynda ótetin halyqaralyq dodaǵa Qazaqstan atynan birneshe sportshy qatysatyny kútilýde. Atap aıtar bolsaq, áıelder arasyndaǵy synda Aıza Imambek, erler arasyndaǵy básekede Artýr Panıhın men Nıkıta Manko baq synaıdy.
Sonymen birge, 4 jeltoqsan kúni qazaqstandyq sportshylar Zagrebtegi halyqaralyq týrnırge qatysatyny josparlanǵan.
