Mánerlep syrǵanaý: Elızabet Tursynbaeva Máskeý týrnırinde úzdik altylyqqa ilikti
ASTANA. QazAqparat - Máskeýde mánerlep syrǵanaýdan márege jetken Gran-prı týrnırinde qazaqstandyq Elızabet Tursynbaeva úzdik altylyqqa ilikti, dep habarlaıdy QazAqparat tilshisi.
Elızabet erkin baǵdarlamada kúshtiler tobynda aıdynǵa ekinshi bolyp shyqty. Óner kórsetý barysynda bir márte qulap qalǵan E.Tursynbaeva erkin baǵdarlamada 118,27, qos saıys qorytyndysynda 180,45 ball jınady.
Qazaqstandyq sportshydan keıin shyqqan Olımpıada chempıony, reseılik Alına Zagıtova da sál-pál qatelik jiberdi. Degenmen ol 142,17, jalpy esepte 222,95 balmen chempıondyq ataqty jeńip aldy.
A.Zagıtovadan keıin óner kórsetken taǵy bir reseılik, 16 jasar Sofıa Samodýrova da esh saspaı, jınaqylyq tanytty. Ol 130,61, qorytyndyda 198,01 balmen kúmis júldege ıe boldy
Al qysqa baǵdarlamadan keıin úshinshi orynda kele jatqan shveıtsarııalyq Aleksııa Paganını (182,50 ball) júldeden tys qaldy. Ol erkin baǵdarlamada jaqsy óner kórsetip, qorytyndyda 185,67 ball jınaǵan ońtústikkoreıalyq Lım Yn Sýdy alǵa jiberip aldy.
Sol sekildi E.Tursynbaeva da besinshi orynǵa kóterilgen japonııalyq ıÝna Shıraıvadan (180,93) sál-pál qalyp qoıdy.
Eske sala keteıik, budan buryn 18 jasar E.Tursynbaevanyń Máskeýdegi Gran-prı kezeńinde qysqa baǵdarlamadan keıin tórtinshi orynda kele jatqanyn jazǵan bolatynbyz.
