Mánerlep syrǵanaý: Denıs Ten «Tórt qurlyq týrnıriniń» jeńimpazy atandy - VIDEO
ASTANA. QazAqparat - Qazaqstandyq Denıs Ten Seýlde márege jetken «Tórt qurlyq týrnıriniń» jeńimpazy atandy.
Bul jarysty «Qazaqstan» ulttyq jáne Qazsport arnasy tikeleı efırde kórsetti. Qysqa baǵdarlamadan keıin 97,61 ball jınaǵan Denıs Ten erkin baǵdarlamada da eshkimge des bergen joq. Sóıtip bıylǵy maýsymdaǵy eń joǵary balǵa (289,64) qol jetkizdi. Amerıkalyq Djoshýa Farrıs ekinshi, qytaılyq ıAn Han úshinshi oryndy enshiledi.
Buǵan deıin álem chempıonatynyń kúmis, Sochı olımpıadasynyń qola júldesin ıelengen D.Ten Qazaqstan tarıhynda tuńǵysh ret atalmysh týrnırdiń chempıony atandy.
