Mánerlep syrǵanaý: Denıs Ten Álem chempıonatynyń qola júldegeri atandy
ASTANA. QazAqparat - Shanhaıda mánerlep syrǵanaýdan ótip jatqan álem chempıonatynda erler arasyndaǵy báseke márege jetti.
Qazaqstandyq Denıs Ten keshe qysqa baǵdarlamadan keıin 85,89 balmen úshinshi orynda tursa, búgin de sol satydan tómen túsken joq. Erkin baǵdarlamadan 181,83 ball jınaǵan Denıs qorytyndyda ony 267,72-ge jetkizdi, sóıtip álem chempıonatynyń qola júldesin jeńip aldy.
Ótken jylǵy álem chempıony jáne Sochı olımpıadasynyń jeńimpazy, japondyq ıÝdzýrý Hanıý bul joly 271,08 balmen kúmis júldeni qanaǵat tutty. Al altyn medaldi ıspandyq Haver Fernandes (273,90 ball) qanjyǵasyna baılady. Buǵan deıin álem chempıonatynyń eki márte qola júldegeri atanǵan ol Ispanııaǵa tuńǵysh ret altyn medaldi syılady.
Aıta keteıik, Denıs Ten osyǵan deıin 2013 jyly álem chempıonatynyń kúmis, 2014 jyly Sochı olımpıadasynyń qola júldegeri atansa, bıyl tórt qurlyq jarysyn utqan edi.
