Mánerlep syrǵanaýshy Sofıa Samodelkına Japonııada ótetin Gran-prıde óner kórsetedi

ASTANA. KAZINFORM – Halyqaralyq konkımen júgirýshiler odaǵy aldaǵy Gran-prıdiń kezeńine qatysýshylar quramyn jarııalady. Ol jarys Japonııanyń Osaka qalasynda ótedi.

Áıelder arasyndaǵy jekeleı syrǵanaý baǵdarlamasynda Qazaqstan quramasynan Sofıa Samodelkına synǵa túsedi. Ol bıyl AQSh-taǵy Norvýd qalasynda ótken týrnırde ekinshi oryn alǵan bolatyn.

QR UOK málimetinshe, jarysqa 12 sportshy qatysady. Doda 7-9 qarasha aralyǵynda ótedi.

Aıta keteıik, mánerlep syrǵanaýshy Mıhaıl Shaıdorov Denıs Ten memorıalynda jeńiske jetti.