Mánerlep syrǵanaýshy Sofıa Samodelkına Azııa oıyndarynda tórtinshi oryn aldy

ASTANA.Qytaıdyń Harbın qalasynda ótip jatqan 2025 jylǵy Azııa oıyndarynda mánerlep syrǵanaýdan Qazaqstan atynan synǵa túsken Sofıa Samodelkına qola júldege bir qadam jetpeı qaldy.

Bul týraly olympic.kz habarlady.

Erkin baǵdarlamada Samodelkına tóreshilerdiń sheshimimen 125,12 upaı jınap, jalpy esebi 188,43 upaı boldy.

Altyn medaldi ońtústikkoreıalyq Kım Chhe En jeńip aldy – 219,44. Kúmis júlde japonııalyq Kaorı Sakamotoǵa buıyrdy – 211,90. Qola júldeni onyń komandalasy Hana Eshıda ıelendi – 205,20.

Qazaqstandyq Sofııa Farafonova jarysty 10-orynmen aıaqtady – 125,27 upaı.

Osyǵan deıin Qytaıda ótip jatqae Azııa oıyndarynda hokkeıden Qazaqstan qyzdar quramasynyń Qytaıdy jeńgenin jazdyq.