Mánerlep syrǵanaýshy Sofıa Samodelkına AQSh-taǵy týrnırde jeke rekordyn jańartty

ASTANA. KAZINFORM — AQSh-tyń Norvýd qalasynda ótken mánerlep syrǵanaýdan «Cranberry Cup International 2025» chellendjer serııasynda qazaqstandyq Sofıa Samodelkına erkin jattyǵýda kúmis júldege ıe boldy. 

Sofıa jańa maýsymǵa degen tyńǵylyqty daıyndyǵyn kórsetti. Ol qysqa jáne erkin jattyǵýda da rekordyn odan ári jaqsartty.

Qorytyndy nátıje:

1. Izabo Levıto (2024 jylǵy álem chempıonatynyń kúmis júldegeri) — 207,61 upaı (70,69+136,92)

2. Sofıa Samodelkına — 203,15 upaı (65,80+137,35)

3. Jıa Shın — 179,97 upaı (62,12+117,85)

Halyqaralyq báseke 7-10 tamyz aralyǵynda ótti. Oǵan 20 elden 99 sportshy qatysty. Atalǵan saıys 2021 jyldan beri ótkizilip keledi. Sofıanyń medali Qazaqstan tarıhyndaǵy alǵashqy júlde retinde tirkeldi.

Sofıa Samodelkına 2007 jyly dúnıege kelgen. 2024 jyldyń beri Qazaqstan azamattyǵyn qabyldap, el namysyn qorǵap keledi. 2025 jyly Qysqy ýnıversıadada qola júldeger atandy.

Eske salsaq, budan buryn AQSh-tyń Norvýd qalasynda mánerlep syrǵanaýdan halyqaralyq týrnırde Sofıa Samodelkına qysqa baǵdarlamada ekinshi oryn aldy.