Mánerlep syrǵanaýshy Mıhaıl Shaıdorov Gran-prı kezeńin onynshy orynda aıaqtady
ASTANA. KAZINFORM — Qazaqstandyq mánerlep syrǵanaýshy Mıhaıl Shaıdorov 2026/27 maýsymyndaǵy Gran-prı serııasynyń Frantsııanyń Anje qalasynda ótken alǵashqy kezeńindegi jarysyn aıaqtady.
Eki kúnge sozylǵan jarysta otandasymyz 206,55 upaı jınap, onynshy orynǵa turaqtady.
Qysqa baǵdarlamada Mıhaıl Shaıdorov tórtinshi nátıje kórsetken edi. Alaıda erkin baǵdarlamada 11-orynǵa ıe bolyp, jalpy esepte úzdik bestiktegi ornyn saqtap qala almady.
284,24 upaı jınaǵan Frantsııa ókili Adam Sıao Hım Fa jeńimpaz atandy. Japonııa sportshysy Kao Mıýra 247,96 upaımen kúmis júldege ıe bolsa, Ońtústik Koreıa ókili Mınkıý So 244,90 upaımen úzdik úshtikti túıindedi.
Aıta keteıik, Frantsııadaǵy jarys 2026-27 jylǵy maýsymda ótetin Gran-prı serııasynyń alty kezeńiniń alǵashqysy boldy.
Eske salaıyq, buǵan deıin qazaqstandyq mánerlep syrǵanaýshy Mıhaıl Shaıdorov Halyqaralyq konkıshiler odaǵynyń (ISU) jańartylǵan álemdik reıtınginde ekinshi orynǵa kóterilgenin habarlaǵan edik.
