Mánerlep syrǵanaýdan Taılandtaǵy Gran-prı kezeńi: qazaqstandyqtardyń nátıjeleri
ASTANA. KAZINFORM — Taılandtyń Bangkok qalasynda mánerlep syrǵanaýdan jasóspirimder arasyndaǵy Gran-prı kezeńi aıaqtaldy.
Qyzdar arasyndaǵy jarysta Qazaqstan namysyn Marııa Sosnovskaıa qorǵady. Eki baǵdarlamanyń qorytyndysy boıynsha otandasymyz 127,71 upaı jınap, 18-orynǵa ıe boldy.
Qyzdar arasyndaǵy jekeleı synda Reseı ókili Sofııa Dzepka 205,73 upaımen jeńimpaz atandy. Ekinshi oryndy japonııalyq Sýmıka Kanadzava (202,79), úshinshi oryndy kanadalyq Lıa Cho (192,75) ıelendi.
Jasóspirimder arasyndaǵy básekede Qazaqstan atynan Eraly Shahımýrat óner kórsetti. Ol eki baǵdarlamanyń qorytyndysy boıynsha 138,91 upaı jınap, jarysty 18-orynmen aıaqtady.
Birinshi oryndy 260,90 upaı jınaǵan reseılik Lev Lazarev aldy. Jańa Zelandııa ókili ıAnhao Lı (244,68) kúmis júldeger atansa, Taıland sportshysy Hıro Kaevtathıp (229,51) qola júldege ıe boldy.
Eske salaıyq, buǵan deıin Qazaqstan erler quramasynyń Devıs kýboginiń II álemdik toby aıasynda Taılandqa qarsy ótetin matchqa qatysatyn tennısshiler quramy belgili boldy.
