Mánerlep syrǵanaýdan Denıs Ten memorıalyna elimizdiń atynan kimder qatysady
ASTANA. KAZINFORM — Almatyda búgin jalaýyn kóteretin mánerlep syrǵanaýdan Denıs Ten memorıalynda baq synaıtyn qazaqstandyq sportshylar belgili boldy.
Halyqaralyq týrnır jarys aıasynda erler men áıelder arasyndaǵy jekeleı syrǵanaýda, sondaı-aq, muzdaǵy bıde júldeler sarapqa salynady.
Halyqaralyq konkıshiler odaǵynyń málimetinshe, Qazaqstan namysyn erlerde Mıhaıl Shaıdorov, Dıas Jırenbaev, Nıkıta Krıvosheev, Oleg Melnıkov qorǵaıdy.
Al áıelder quramasynan Sofııa Farafonova, Amıra Irmatova, Veronıka Kovalenko, Nurııa Súleımen, Amına Alekseeva, Karına Isakova, Rýsalına Shakırova synǵa túsedi.
Sondaı-aq muzdaǵy bıden Boısangýr Datıev pen Gaýhar Naýryzova jubyna úmit artamyz.
Eske salsaq, mánerlep syrǵanaýdan álem chempıonatynda Mıhaıl Shaıdorov úzdik úshtikke kirdi.