Mánerlep syrǵanaýdan 2027 jylǵy tórt qurlyq chempıonatyn ótkizý orny ózgergenin habarlady
ASTANA. KAZINFORM - Halyqaralyq konkımen júgirýshiler odaǵy (ISU) mánerlep syrǵanaýdan 2027 jylǵy Tórt qurlyq chempıonatyn ótkizý orny ózgergenin habarlady.
QR ULttyq olımpıadalyq komıtettiń habarlaýynsha, bastapqyda jarysty Astanada ótkizý josparlanǵan edi. Alaıda Qazaqstannyń konkımen júgirýshiler odaǵymen kelisý nátıjesinde chempıonatty Almatyda ótkizý týraly sheshim qabyldandy.
Baıraqty báseke 9-14 aqpan aralyǵynda «Almaty Arena» kesheninde ótedi.
Aıta keteıik, Qazaqstan Tórt qurlyq chempıonatyn alǵash ret qabyldaıdy.
2025 jyly Mıhaıl Shaıdorov osy jarysta jeńimpaz atansa, 2015 jyly Denıs Ten chempıon boldy. Al áıelder arasynda Elızabet Tursynbaeva 2019 jyly qola júldege ıe bolǵan.
Osyǵan deıin qazaqstandyq mánerlep syrǵanaýshylardyń Býdapeshttegi týrnırge qatysatyny týraly jazdyq.
