Mánerlep syrǵanaý: Mıhaıl Shaıdorov Denıs Ten memorıalynda altyn medal aldy

ASTANA. KAZINFORM – Mánerlep syrǵanaýdan erler arasyndaǵy Qazaqstan komandasynyń kóshbasshysy Mıhaıl Shaıdorov Astanada ótip jatqan Denıs Ten memorıalynda top jaryp, «altyn» aldy, dep jazdy Olympic.kz.

Sportshy birinshi oryn alyp qana qoımaı, sondaı-aq qysqa baǵdarlamada 95,50 upaı jınap, jeke rekordqa qol jetkizdi.

Shaıdorov erkin baǵdarlamany oryndaý kezinde tóreshilerden 166,83 upaı aldy. Jalpy eseppen ol 262,33 ball jınaǵan.

Ekinshi orynǵa 246,00 upaımen ázerbaıjandyq Lıtvıntsev taban tiredi. Al qola júlde Nıka Egadzege (Grýzııa) buıyrdy – 242,43.

Astanada Denis Ten memorial challenge Series týrnıri bastalǵanyn jazǵan bolatynbyz.