Mane kartınasy bássaýdada rekordtyq baǵa 65 mln. dollarǵa satyldy
ASTANA. QazAqparat - Frantsýzdyq ımpressıonıst Edýard Maneniń «Kóktem» týyndysy Nıý-Iorktegi Christie's bássaýdasynda rekordtyq baǵa 65, 1 mln dollarǵa satyldy.
Mane eńbeginiń budan burynǵy bássaýdalyq rekordy 33,2 mln. dollarǵa baǵalanǵan. Christie's sarapshylary «Kóktem» týyndysyn bastapqyda 35 mln. dollarǵa baǵalaǵan bolatyn.
Satylǵan jádiger 100 jyldan astam ýaqyt bir otbasyǵa tıesili bolyp kelgen. Sońǵy 20 jylda Vashıngtonda Ulttyq óner galereıasy jalǵa alyp, jurtshylyq nazaryna usynyp otyrǵan.
