Mandokı Qońyr Ishtvannyń 16 myńnan astam kitaby Halyqaralyq Túrki Akademııasyna tapsyrylady

ASTANA. QazAqparat - Erteń Halyqaralyq Túrki Akademııasynyń uıymdastyrýymen «Mandokı Qońyr Ishtvan murasy: Uly dalada urpaqtar úndestigi» atty halyqaralyq forým óz jumysyn bastaıdy, dep habarlady Akademııanyń baspasóz qyzmetinen.

Majarstandyq túrkitanýshy ǵalym, qoǵam qaıratkeri Mandokı Qońyr Ishtvannyń týǵanyna 70 jyl tolýyna arnalǵan jıynǵa 8 eldiń belgili ǵalymdary, halyqaralyq uıym ókilderi jáne marqumnyń jary Ońaısha Maqsumqyzy men uly Atlan qatysady. Shara barysynda kórnekti ǵalymnyń 16 myńnan astam jeke kitap murasyn akademııanyń kitaphanasyna tapsyrý rásimi bolady.