Manchjýrııada (Qytaı) muz ben qar festıvali ashyldy
ASTANA. Jeltoqsannyń 22-si. QazAqparat - Tseltsıı baǵamy boıynsha mınýs 20 gradýs shamasyndaǵy aıaz - búgin Qytaıdyń Manchjýrııa /Manchjoýlı/ qalasynda ashylatyn XI qytaı-reseı-mońǵol Muz jáne qar festıvali úshin eń laıyqty aýa raıy, dep habarlaıdy ITAR-TASS agenttigi.
Qytaıdyń soltústigindegi Іshki Mońǵolııa avtonomııalyq ólkesinde ornalasqan jáne 300 myńǵa jýyq turǵyny bar qala kósheleri muz jáne qardan jasalǵan úlken-úlken músindermen bezendirilgen. Olardyń negizgi taqyryptary - orys, qytaı jáne mońǵol folklory, tarıhı keıipkerler. Ázil-qaljyńǵa arnalǵan kompozıtsııalar da joq emes. Mysaly, «Bastysy - qaýipsizdik» degen jazý jazylǵan shamadan tys júk tıelgen jeńil avtokóliktiń muz músini.
Jańa jylǵa jáne Rojdestvoǵa oraılastyrylǵan bul merekege Reseıdiń Zabaıkal ólkesinen, Býrıatııa Respýblıkasynan delegatsııalar qatysýda. Búgin keshke qala kóshelerimen karnavaldyq sherý ótedi, folklorlyq kontsert bolady.
