Manchesterdegi terakt qurbandarynyń esimderi anyqtaldy
ASTANA. QazAqparat - Brıtandyq Manchesterde jarylys kezinde qaza tapqan 23 adamnyń kim ekeni belgili boldy. Bul týraly Rosbalt habarlaıdy.
«Manchester Arenasynda» jarylys kezinde qurban bolǵan adamdardyń esimderi tolyq anyqtaldy, - delingen habarlamada.
Alaıda opat bolǵandardyń aty-jóni krımınalıstik saraptamadan keıin ǵana jarııalanady.
Eske sala keteıik, Manchesterdegi jarylys jaýapkershiligin DAISh terrorıstik uıymy (Qazaqstanda tyıym salynǵan) moınyna alǵan bolatyn.
