Manchesterdegi stadıonda jarylys boldy, zardap shekkender bar
ASTANA. QazAqparat - Ulybrıtanııanyń Manchester qalasynda Arıana Grandeniń kontserti kezinde jarylys boldy, dep habarlaıdy newsru.com .
Kýágerler Manchester Arena stadıonynda eki joıqyn jarylysty estigen. Sol kezde Arıana Grande sahnada bolǵan.
Qala polıtsııasy jarylystyń bolǵanyn jáne zardap shegýshilerdiń bar ekendigin rastady.
Daily Mail basylymy habarlasqan kontsertke kelýshilerdiń biri oqys oqıǵanyń kýágeri bolǵan. Onyń aıtýynsha, Grande ánin aıaqtaǵan sátte jarylysty estigen. «Barlyǵy shýlap ketti jáne syrtqa umtyldy», - deıdi Evı Brıýster.
Ǵımaratqa kóptegen jedel járdem kóligi bet alǵan.
Arıana Grandeniń ókili ánshiniń zardap shekpegendigin málim etti. Alaıda ol stadıonda ne bolǵanyn aıta almady.
