Manchesterdegi saýda úıinde belgisiz bireý bes adamdy pyshaqtaǵan
NUR-SULTAN. QazAqparat – Pyshaq ustaǵan belgisiz bireý Ulybrıtanııanyń Manchester qalasy ortalyǵyndaǵy Arndale saýda úıiniń kelýshilerine shabýyl jasady. Polıtsııanyń málimetinshe, 5 adam jaraqattanǵan, dep habarlaıdy QazAqparat BBC-ge silteme jasap.
Polıtsııanyń málimetinshe, qaza tapqandar joq. Barlyq zardap shekkender qalalyq aýrýhanaǵa jetkizildi.
Shabýyl jasaýshy qolǵa tústi. Ol 40-50 jas shamasyndaǵy er adam bolyp shyqty.
Dúkenderdiń barlyq kelýshileri men qyzmetkerleri saýda úıinen evakýatsııalandy, sondaı-aq, saýda úıine jaqyn ornalasqan kóshelerde kólik qozǵalysy toqtatyldy.
Shabýyldyń sebepteri ázirge habarlanbaıdy. Polıtsııa oqıǵanyń mán-jaıyn anyqtaý jumystaryn júrgizip jatyr.
