Manchesterde álemdik boksty damytý máseleleri talqylanady (FOTO)
ASTANA. QazAqparat - Manchester qalasynda (Ulybrıtanııa) 2016 jyly 23-24 aqpanda Kásipqoı bokstyń halyqaralyq qaýymdastyǵynyń barlyq komıssııasynyń otyrysy ótip jatyr.
Keshe ótken Sportshylar jáne jastar isteri boıynsha komıssııa otyrysynda álemdik bokstyń aldaǵy damýy máseleleri talqylandy.
«Búgin AIBA-da bizdegi sport túrlerin keńinen taratýǵa baılanysty kóptegen jobalardy alǵa jyljytyp jatyr. Boks óziniń kórermenderin joǵalqan kezder de boldy. Bul rette AIBA sport qaýymdastyǵynda boksty jetekshi orynǵa shyǵarýǵa túrli sharalardy qolǵa aldy.
Osyǵan baılanysty sportshylardy shlemsiz judyryqtasýyna májbúrledi. Bul jattyǵý úderisine taktıkalyq-tehnıkalyq arsenaldy qaıtarýǵa múmkindik berdi.
Aıta ketý kerek, bul Qazaqstan boks federatsııasynyń usynysy boldy. Qazir sońǵy úsh jylda eresekter arasyndaǵy boks shlemsiz ótedi. Qazir boksshylardyń aldaǵy Rıo-de-Janeırodaǵy Olımpıadaǵa qatysýy: sharshy alańǵa shlemmen nemese shlemsiz shyǵýyna baılanysty Halyqaralyq Olımpıada komıtetiniń (HOK) sheshimin kútip otyrmyz», - dep atap ótti komıssııa tóraǵasy, halyqaralyq boks uıymynyń vıtse-prezıdenti Serik Qonaqbaev.
Sondaı-aq komıssııa otyrysynda eresek boksshylar úshin jas deńgeıin tómendetý usynyldy. Qazir sportshylar eresekter komandasynda 19 jastan óner kórsete bastaıdy. AIBA eresekterdiń sporttyq karerasyn 18 jastan bastaýdy usyndy, dep habarlady Azııalyq boks konfederatsııasynda.
«Menińshe, bul tıimdi usynys. Keńes odaǵy kezinde de eresekter arasyndaǵy syndarǵa 18 jastan qatysa bastadyq», - dedi Azııalyq boks konfederatsııasynyń prezıdenti Serik Qonaqbaev.
Komıssııanyń talqylaýyna kásibı boksshylardyń Olımpıada oıyndaryna qatysý múmkindigi týraly máseleler engizildi.
«Atalǵan máseleni jan-jaqty zertteý kerek. Óıtkeni ol kóptegen aspektini qamtıdy. Sonyń ishinde jattyǵý úderisin uıymdastyrý bar. Menińshe, bul utymdy», - dedi Serik Qonaqbaev.
