«Manchester ıÝnaıted» pen «Tottenhem» jankúıerleri Eýropa lıgasynyń fınaly aldynda tóbelesti
ASTANA. KAZINFORM — Ispanııanyń Bılbao qalasynan 80 shaqyrym jerde ornalasqan San-Sebastıan qalasynda «Manchester ıÝnaıted» pen «Tottenhem» fýtbol komandalarynyń jankúıerleri qaqtyǵysty.
Daily Mail gazetiniń habarlaýynsha, Ispanııanyń San-Sebastıan qalasyna match kórýge eki komandanyń jalpy sany 80 myńǵa jýyq aǵylshyn jankúıeri ushyp kelgen.
Bul oıyn qazirgi ýaqytta Aǵylshyn Premer-Lıgasynda sáıkesinshe 16 jáne 17-oryndarda turǵan eki klýb maýsymynyń sheshýshi sáti bolady.
Kezdesý jeńimpazy kýbokty alyp qana qoımaı, kelesi maýsymda Chempıondar lıgasyna qatysý múmkindigin alady.
Match sondaı-aq óz komandalarynyń kýbok kótergenin kórgisi keletin jankúıerler úshin de mańyzdy. Bul «Tottenhemniń» 17 jyldaǵy alǵashqy oljasy bolýy múmkin, al «Manchester ıÝnaıted» portýgaldyq jattyqtyrýshy Rýben Amorımniń jetekshiligimen birinshi jeńiske úmittenip otyr.
Alaıda oıyn qarsańynda jaǵdaı shıelenise tústi. Seısenbi kúni keshke tártipsizdik bastaldy. Ispanııanyń Bılbao qalasynan 80 shaqyrym jerde ornalasqan San-Sebastıan qalasynda «Manchester ıÝnaıted» pen «Tottenhem» jankúıerleri qaqtyǵysty.
Ispanııalyq El Diario Vasco basylymynyń habarlaýynsha, jaǵdaı jergilikti ýaqyt boıynsha saǵat 21:20 shamasynda ýshyǵyp ketken. Kýágerlerdiń aıtýynsha, bári aıǵaı men balaǵattaýdan bastalǵan, sosyn bir jankúıer soqqy alyp jerge qulaǵan.
Osydan keıin birneshe adam túrli zattardy laqtyra bastady, ústelder tóńkerildi. Oqıǵa ornyna jetken polıtseıler kezekshilikke qaldy. Tártip saqshylary kelgende jaǵdaı birtindep turaqtala bastady. Ustalǵandar, aýyr zardap shekkender joq.
Sondaı-aq oqıǵa ornyna jedel járdem shaqyrylǵany, biraq zardap shekkenderge aýrýhanaǵa jatqyzý qajet bolmaǵany habarlandy.
53 myńǵa jýyq adam syıǵyzatyn «San-Mames» stadıonynda ótetin fınalǵa eki komandaǵa 15 myń bıletten bólindi. Alaıda myńdaǵan jankúıer bıletti stadıonnyń basqa bólimderinen satyp alyp jatqany, kóbi qalaǵa bıletsiz keletini habarlandy.
Buǵan deıin habarlanǵandaı, Manchester ıÝnaıted 100 myń adamdyq jańa stadıon salmaqshy.