«Manchester ıÝnaıted» Nıderland quramasynyń shabýylshysy úshin 50 mln eýro tóleýge daıyn

ASTANA. QazAqparat – Aǵylshyndyq «Manchester ıÝnaıted» Nıderland quramasynyń shabýylshysy Kodı Gakpo úshin 50 mln eýro tóleýge daıyn, dep habarlaıdy QazAqparat tilshisi.

The Telegraph málimetine qaraǵanda, atalmysh klýbtyń bas bapkeri Erık ten Hag Gakpony komandanyń basty transferttik maqsaty dep esepteıdi.

Bıylǵy maýsymda 23 jastaǵy shabýylshy PSV klýby jáne el quramasy sapynda barlyq jarysta 18 gol soǵyp, 18 nátıjeli pas berdi.

Kodı Gakpo Qatarda ótip jatqan álem chempıonatynda bes matchta úsh gol soǵyp, kózge tústi. Mamandar ol «Manchester ıÝnaıted» klýbymen kelisimshartty úzgen Portýgalııa shabýylshysy Krıshtıaný Ronaldýdy almastyra alady dep otyr.

Eske sala keteıik, budan buryn Messı men Mbappeniń úzdik oıynshylar tiziminde kósh bastap turǵanyn jazǵan bolatynbyz.

Sondaı-aq Marokko álem chempıonatynda qola medal alǵan 15-inshi qurama atanýy múmkin.

Foto: Golýbovıch Dmıtrıı, «Chempıonat»