Manchester ıÝnaıted 100 myń adamdyq jańa stadıon salmaqshy
ASTANA. KAZINFORM – Anglııalyq «Manchester ıÝnaıted» fýtbol klýby 100 myń oryndyq jańa stadıon salatynyn jarııalady.
Fýtbol klýbynyń áleýmettik jelidegi resmı paraqshasynda habarlanǵandaı, joba úkimettiń Old Trafford aımaǵyn qalpyna keltirý jáne damytý josparlaryna qoldaý kórsetý úshin júzege asyrylmaq.
Sonymen qatar, stadıon qurylysy men regeneratsııa jobasy Ulybrıtanııa ekonomıkasyna jylyna qosymsha 7,3 mıllıard fýnt sterlıng tabys ákelýge jáne 92 000 jańa jumys orynynyń ashylýyna sep bolady dep josparlanǵan. Joba aıasynda, «Old Trafford» aımaǵynda 17 myńnan astam jańa páter paıdalanýǵa berilmek. Jylyna 1,8 mln týrıst qabyldaý josparlanyp otyr.
«Manchester ıÝnaıted» fýtbol klýby óz alańy «Old Trafford» stadıonynda 115 jyl oınap kele jatyr. Jańa stadıondy tanymal brıtandyq sáýletshi jáne dızaıner Norman Fosterdiń qurylys kompanııasy jobalaǵan.
Aıta keteıik, sáýletshiniń toby Astanadaǵy «Beıbitshilik jáne kelisim saraıy», «Han shatyr» saýda ortalyǵy, «Abý Dabı Plaza» sııaqty ǵımarattar jobasyn jasaqtaǵan.
Osyǵan deıin habarlaǵanymyzdaı, Qazaqstan fýtboly kúnine oraı Álem jáne Qazaqstan fýtbolynyń ańyz oıynshylary Astanada bas qosady.