«Manchester Sıtı» XIX ǵasyrdaǵy «Prestonnyń» rekordyn qaıtalady
NUR-SULTAN. QazAqparat - «Manchester Sıtı» aǵylshyn Premer-lıgasynyń 37-týrynda «Lesterdi» 1:0 esebimen jeńdi, dep habarlaıdy QazAqparat «SPORTINFORM» SAA-ǵa silteme jasap.
«Manchester Sıtı» APL ekinshi maýsymynda barlyq klýbtardy qatarynan bir retten jeńip shyǵyp, aǵylshyn top-dıvızıonynyń 129 jyl burynǵy rekordyn qaıtalady. 1888/89 jáne 1889/90 maýsymdarda dál osyny «Preston» jasaǵan edi.
«Sıtı» 95 upaımen týrnır kestesinde qaıta kósh bastady jáne «Lıverpýlden» bir upaı aıyrmashylyqpen joǵary tur. Komandalar bir kezdesýden ótkizýi kerek: sońǵy aınalymda «Lıverpýl» óz alańynda «Výlverhemptonmen», al «Man Sıtı» «Braıtonmen» oınaıdy.
