«Manchester Sıtı» «Tottenhemdi» jeńip, Anglııa chempıonatynyń kósh basyna shyqty

«Tottenhem» fýtbolshylary «Manchester Sıtıge» qonaqqa kelgen bolatyn. Pellegrını basqaratyn komandany sońǵy kezderi «Barselona» jáne «Bavarııa» klýbtarymen salystyrýda. Shynymen de, Anglııanyń eks-chempıony «Manchester Sıtı» keıingi kezderi qarsylastan qarsylas shaq keltirmeı, tamasha nátıjeler kórsetip júr. Biraq «Tottenhem» jankúıerleri kezdesý aldynda jeńisten úmitti bolatyn. Sebebi Tım Shervýd komandasy da sońǵy oıyndarda jeńilis kórmegen bolatyn. Degenmen «Manchester Sıtı» keldi de jeńisti julyp áketti. Osylaısha «Sıtı» chempıondyq ataqqa taǵy bir qadam jaqyndaı tústi.

Manýel Pellegrını oıynnyń birinshi mınýttarynan-aq ony tek jeńis qana qanaǵattandyratynyn kórsetti. Chılılik bapker «Manchester Sıtıdiń» bastapqy quramyna forvardtardyń ekpindi juby - Agýero men Djekony shyǵardy. Shabýylshylar tomaǵasyn sheshken qyran qustardaı, Lorıs qaqpasyna lap qoıdy. Sonymen qatar «Arsenaldyń» upaı joǵaltýy týraly aqparat «Manchester Sıtı» komandasyn odan ári jigerlendire tústi. Sebebi «Manchester Sıtı» «Tottenhemdi» utsa taza birinshi orynǵa shyǵatyny belgili edi.

Oıynnyń 4-mınýtynda-aq Lorıs qaqpasyna alǵashqy dop ene jazdady. Aýgero aıyp alańyna dopty alyp kirdi de, oń jaq qaptalǵa oıysyp baryp, «Tottenhem» qaqpasynyń arǵy buryshyna tepken bolatyn. Lorıs bul jaǵdaıda qaýqarsyz edi, biraq dop qaqpanyń baǵanasyna tıip keıin serpildi. Kóp keshikpeı Djeko aıyp alańynyń ortasynan kirdi. Shabýylshy qaqpa buryshyn kózdegen, biraq dop qaqpa mańdaıshasynan sál bıik ketti.

Osy mınýttarda «sıtılikter» oıyndy tolyǵymen baqylaýǵa alǵan bolatyn. Matchtyń alǵashqy mınýttarynda «Tottenhem» oıynshylary tipti shabýyl jasaýǵa yntaly emes edi. Olardyń tek qaqpany tegeýrindi shabýyldardan qorǵaýǵa shamalary jetip jatty. Biraq 14-mınýtta eńbekteri esh ketti. Sılva shabýyldardyń birinde Agýeroǵa pas berip, ol múlt ketpedi. Esep - 1:0. Osydan keıin alań ıeleri Hart qorǵaǵan qaqpany torýyldap, ústi-ústine shabýyldady. Degenmen birinshi taımda esep ózgergen joq. 48-mınýtta Roýz «Manchester Sıtı» shabýylshysy Djekony aıyp alańynda qulatqany úshin aıyp doby taǵaıyndaldy. Ony Týre minsiz oryndap, esepti 0:2 jetkizdi. Sonymen qatar Roýz oıyn tártibin buzǵany úshin alańnan qýyldy.

Oıynnyń 53-mınýtynda Djeko esepti tipti eseleı tústi. Degenmen bes mınýttan soń Kaýe «Tottenhem» úshin bir gol saldy - 1:3.

Kelesi 10 mınýt alań ıeleriniń shabýylymen ǵana ótti, «Ýaıt Hart Leın» stadıonyndaǵy jankúıerler de ózderiniń súıikti komandalaryn úzdiksiz demep otyrdy. Alaıda qonaqtarlardyń mysyn birden basty. Birinshi taımda jaraqat alyp qalǵan Agýerony almastyrǵan Iovetıch 77-mınýtta Lorıstiń qaqpasyna 4-goldy engizdi.

Oıyn sońyna qaraı Tottenhem fýtbolshylary namysqa tyrysyp baqty, biraq 89-mınýtta Kompanı olardyń qaqpasyna 5-shi dopty toǵytyp ketti. Osylaısha, «Manchester Sıtı» óziniń basty qarsylasy «Arsenaldy» týrnırlik kestede ekinshi orynǵa yǵystyrdy. Kelesi oıyndy olar «Chelsı» oıynshylarymen kúsh synasady.