Manchester Sıtı» men «Real» birinshi kezdesýde teń oınady
ASTANA. QazAqparat - Chempıondar lıgasynyń jartylaı fınalyndaǵy aǵylshyndyq «Manchester Sıtı» men madrıdtik «Real» arasyndaǵy birinshi kezdesý 0:0 esebimen aıaqtaldy. Oıyn Manchester qalasynda ótti, qarymta kezdesý 4 mamyrda Madrıd qalasynda bolady, dep habarlady Vesti.kz.
Oıynnyń birinshi taımynda 45 mınýt ishinde eki komanda oıynshylary da qaqpaǵa birde bir dopty dál baǵyttaı almady. Úzilisten keıin alań ıeleri shıraq bolǵanymen, birneshe utymdy sátti jiberip aldy. Al sońǵy 20 mınýtta «Real» belsendi bolyp, shabýyldy údetkenimen, «Manchester Sıtı» qaqpashysy Djo Hart óz komandasyn eki ret qutqaryp qaldy. Tonı Kroos pen Garet Beıldyń doby qaqpa baǵanyn janap ótse, 70-shi mınýtta Heseniń baspen urǵan doby qaqpa mańdaıshasyna tıdi.
Aıta keteıik, bul oıynǵa madrıdtik shabýylshy Krıshtıaný Ronaldý qatysqan joq. Fýtbolshy jaraqatyna baılanysty shyǵa almady.
