«Manchester Sıtı» komandasyn jeńgen «Real» Chempıondar lıgasynyń fınalyna shyqty
ASTANA. QazAqparat - Ispanııalyq "Real" óz alańynda "Manchester Sıtı" komandasyn jeńip Chempıondar lıgasynyń fınalyna shyqty. Kezdesý 1:0 esebimen aıaqtaldy.
Oıynnyń jıyrmasynshy mınýtynda "Manchester Sıtıdiń" qorǵaýshysy Fernando óz qaqpasyna gol soqty.
"Real" eki kezdesýdiń qorytyndysy boıynsha fınalǵa shyqty. 26 sáýirde ótken birinshi kezdesý teń (0:0) aıaqtalǵan bolatyn.
Madrıdtikter chempıondar lıgasynyń fınalyna 14 ret shyǵyp otyr. Olar on ret týrnır jeńimpazy atanǵan. Bul rekord bolyp tabylady.
Fınalda "Real" "Bavarııany" jeńgen taǵy bir madrıdtik komanda "Atletıkomen" kezdesedi.
Chempıondar lıgasynyń fınaly 28 mamyrda Mılanda "San-Sıro" stadıonynda ótedi.
