«Manchester Sıtı» Entso Fernandesti 146 mln eýroǵa satyp aldy
ASTANA. KAZINFORM — Argentınalyq jartylaı qorǵaýshy Entso Fernandestiń «Chelsıden» «Manchester Sıtıge» aýysýy Anglııa Premer-lıgasyndaǵy eń qymbat transferlerdiń birine aınaldy. Kelisim quny 146 mln eýro boldy, dep habarlaıdy Kazinform Lenta.ru-ǵa silteme jasap.
Basylymnyń málimetinshe, transfer týraly aqparatty jýrnalıst Fabrıtsıo Romano jarııalaǵan. Fernandestiń transferi 125 mln fýnt sterlıngke, ıaǵnı shamamen 146 mln eýroǵa baǵalanǵan.
Fernandestiń aýysýy Anglııa Premer-lıgasynyń rekordyn qaıtalady. 2025 jyly «Lıverpýl» shved shabýylshysy Aleksander Isak úshin «Nıýkaslǵa» shamamen 146 mln eýro tólegen edi.
Argentınalyq jartylaı qorǵaýshy «Manchester Sıtı» tarıhyndaǵy eń qymbat oıynshyǵa aınaldy.
Fernandes 2023 jylǵy qańtardan beri «Chelsı» sapynda óner kórsetip keldi. Ol londondyq klýbqa portýgalııalyq «Benfıkadan» aýysqan. 2025/26 maýsymynda Anglııa chempıonatynda 36 match ótkizip, 10 gol soqty jáne tórt nátıjeli pas berdi.
Argentına quramasy sapynda Fernandes 2022 jyly álem chempıony atandy. Al 2026 jylǵy álem chempıonatynda Argentına quramasy fınalǵa deıin jetip, kúmis júldege ıe boldy.
Eske salaıyq, munyń aldynda Argentına quramasynyń kapıtany Lıonel Messı 39 jasynda ulttyq quramadan ketetinin málimdegenin jazǵan edik.
