«Manchester Sıtı» Chempıondar lıgasy fınalyna shyqty

ASTANA. QazAqparat - Anglııanyń «Manchester Sıtı» klýby fýtboldan UEFA Chempıondar lıgasy fınalyna berilgen ekinshi joldamaǵa ıe boldy, dep habarlaıdy QazAqparat tilshisi.

Bul kúni «Manchester Sıtı» (Anglııa) pen «Real Madrıd» (Ispanııa) kezdesti.

Oıyn barysynda aǵylshyn klýby basymdyq kórsetti. Ispanııalyq klýb qaqpasyna jıi shabýyldady. Nátıjesinde birinshi kezeńde olardyń qatarynan Bernardý Sılva 23, 37-mınýtta qos goldyń avtory atandy.

Ekinshi kezeńde «Manchester Sıtı» sapynan Manýel Akanjı 76, Hýlıan Alvares 91-mınýtta taǵy eki gol engizdi.

Osylaısha, olar qarsylasynan 4:0 esebimen basym túsip, fınalǵa joldama aldy.

Birinshi kezdesýde 1:1 esebi tirkelgen edi.

Aǵylshyndyq klýb óz tarıhynda 2021 jyly tuńǵysh márte fınalǵa shyqqan. Degenmen, qarsylasyna ese jiberip, bas júldesiz qaldy.

Byltyr Chempıondar lıgasy jartylaı fınalynda «Real Madrıd» komandasy jolyǵyp, eki oıynnyń nátıjesimen (3:1, 3:4) qarsylasyna ese jiberip qoıǵan edi.

Eske salsaq, budan buryn ıtalııalyq «Inter» fınalǵa joldama aldy.

Fınal Túrkııanyń Stambýl qalasyndaǵy Olımpıadalyq stadıonynda 10 maýsym kúni ótkiziledi.