Manbıdj qalasy qorshaýǵa alyndy
ASTANA. QazAqparat - «Sırııanyń demokratııalyq kúshteri» Manbıdj irgesinde baqylaý ornatyp, qalany qorshaýǵa aldy, dep habarlady 24.kz.
2014 jyly «Irak pen Levant lańkestik tobynyń» baqylaýyna ótken shahardy azat etý operatsııasy 31 mamyrdan beri júrip jatyr. Sodan beri 450-den astam ekstremıstiń kózi joıylyp, «Sırııanyń demokratııalyq kúshteriniń» 89 jaýyngeri mert boldy.
Qazir sarbazdarǵa AQSh-tyń 200-ge jýyq áskerı qyzmetkeri kómektesip jatyr. Eger Manbıdj sodyrlardan tolyq azat etilse, «Irak pen Levant lańkestik tobynyń» Sırııadaǵy beıresmı astanasy Rakkany jabdyqtaý joldary bógeletin bolady.
