«Manas» jyry nemis tilinde basylyp shyqty

BІShKEK. KABAR-QazAqparat – «Manas» eposy nemis tilinde jaryq kórdi. Bul týraly «Kabar» agenttigi Germanııanyń Qyzǵyzstandaǵy elshiligine silteme jasap jazdy, dep habarlaıdy QazAqparat.

«Qyrǵyz-nemis dıplomatııalyq qarym-qatynasynyń 30 jyldyǵy aıasynda biz erekshe dúnıe oılap taptyq: «Manas» eposy nemis tilinde jáne komıks túrindegi sýrettermen bezendirile otyryp shyǵaryldy! Qazir ǵana boıaýy keýip úlgermegen alǵashqy basylymdy qolymyzǵa aldyq!» - delingen habarlamada.

«Manas» - tek qyrǵyz halqynyń ǵana emes, kúlli túrki elderdiń tarıhy men salt-dástúrinen, rýhanı áleminen mol maǵlumat beretin entsıklopedııa tektes mura. Manas batyrdyń dúnıege kelgeninen bastap, búkil úrim-butaǵymen jalǵasqan batyrlyq, erlik dástúr qosa jyrlanatyn epos. Onda qazaq halqynyń tarıhyna qatysty oqıǵalar da keńinen qamtylǵan, qazaq jyrlarymen saryndas tustary da jeterlik.