Manas Orynbasarovtyń daýly isin bes adam tergeıdi

ASTANA. QazAqparat - Astana kólik baqylaý ınspektsııasy qyzmetkerlerimen eńbek daýyna ilikken Manas Orynbasarovqa qatysty qyzmettik tergeýdi bes adam júrgizedi. Bul týraly «QazAqparat» HAA resmı suraýyna jaýap retinde QR Investıtsııalar jáne damý mınıstrligi habarlady.

«Qazaqstan Respýblıkasy Prezıdentiniń 2015 jylǵy 29 jeltoqsandaǵy №152 Jarlyǵymen bekitilgen Memlekettik qyzmetkerlerge tártiptik jaza qoldaný týraly erejeniń 46 bólimine sáıkes, 2016 jyldyń 18 tamyzy kúni QR ınvestıtsııalar jáne damý mınıstrligi Astana qalalyq kólik baqylaý ınspektsııanyń jetekshisi M.I.Orynbasarovqa qatysty qyzmettik tergeý bastaldy», - dep habarlady baspasóz qyzmeti.

Qyzmettik tergeý boıynsha komıssııa quramyna mınıstrlik pen kólik Komıtetinen bes adam engizildi. Alaıda, olardyń aty-jónin aıtpady.

Aıta keteıik, memlekettik mekemeniń jıyrmaǵa jýyq qyzmetkeri túrli organdarǵa shaǵymdanǵan. Oǵan sebep, jumysshylardyń aıtýynsha, minezi nashar, kásibı emes jetekshi olardy renjitip, qýdalaýy, unamsyz qyzmetkerlerdi jumystan shyǵarýy. Jáne bos orynǵa óz jerlesteri men burynǵy áriptesterin jumysqa alǵan.