"Manas" bazasyna RF-dan janar-jaǵar maı jetkizýdiń alaıaqtyq syzbasy anyqtaldy
ASTANA. 22 jeltoqsan. QazAqparat - Qyrǵyzstandaǵy «Manas» amerıkalyq tranzıt ortalyǵyna jáne Aýǵanstandaǵy áskerı bazalarǵa Reseıdiń áýe janar-jaǵar maıyn satyp alyp kelgen Pentagon merdigerleri birneshe jyldar boıy Reseı úkimetin aldap kelgen.
Olar janar-jaǵar maıynyń áskerı maqsatta emes, azamattyq múddeler úshin paıdalanylatyna sendirip, eksporttyq baj salyǵyn tóleýden jaltaryp kelgen, dep habarlaıdy RBK.
Degenmen, deldaldar fırmasy: Máskeýdegiler bul týraly dálirek aıtqanda, áýe janar maıynyń Aýǵanstanǵa jóneltilip jatqanyn bildi, alaıda olar Reseı bıýdjetine shyǵyn kelgenimen, jetkizýshilerge jaqsy paıda túsetin bolǵandyqtan, buǵan kózdi juma qarady dep shaǵymdanyp otyr.
"Manas qupııasy" degen baıandamada osy jaılar túgel aıtylady. AQSh Qorǵanys mınıstrligi men Qyrǵyzstan arasyndaǵy áýe janar-jaǵar maıyna baılanysty strategııalyq aqtańdaqtar Kongrestegi Ulttyq qaýipsizdik jónindegi komıtet basshysy Djon Tırnıge berilgen. Qujatta segiz aılyq tekserýdiń nátıjeleri kórsetilgen.
