«Manas» áýejaıynda TezJet ushaǵy apatqa ushyrady
ASTANA.KAZINFORM - Bishkektegi «Manas» halyqaralyq áýejaıynda TezJet ushaǵynyń qatysýymen tótenshe jaǵdaı oryn aldy, dep habarlaıdy KABAR.
Aldyn ala málimet boıynsha, ushaqtyń artqy shassıi ushý kezinde isten shyǵyp, ushaq sol qanatyna eńkeıip, ushý-qoný jolaǵyna qulap túsken.
- Avıaotyn tógildi, órt sóndirý qyzmeti oqıǵa ornynda, - dep atap ótti áýe kompanııasynyń baspasóz qyzmeti.
Bortta 181 jolaýshy (152 eresek, 11 jasóspirim jáne 18 bala) jáne alty ekıpaj múshesi bolǵany habarlandy. Barlyq jolaýshylar ushaqtan tez arada evakýatsııalandy. Oqıǵa saldarynan aýyr jaraqat alǵandar bolǵan joq.
- Birneshe adam jeńil jaraqat aldy, feldsherler áýejaı termınalynyń birinshi qabatynda, Osh sektorynyń kelýshiler aımaǵynda alǵashqy medıtsınalyq kómek kórsetip jatyr.
Órt sóndirýshiler men áýejaıdyń tótenshe jaǵdaılar qyzmeti oqıǵa ornynda jumys istep jatyr. Qazirgi ýaqytta «Manas» halyqaralyq áýejaıyndaǵy barlyq reıster ýaqytsha toqtatyldy, - dep atap ótti kompanııa.
Qyrǵyzstan Respýblıkasynyń Azamattyq avıatsııa jónindegi memlekettik agenttigi de apattyń sebebi men mán-jaıyn tekseredi.
«Manas» halyqaralyq áýejaıy keshki saǵat 22:00-ge deıin jabyq boldy.
