«Manas» amerıkandyq bazasyn jalǵa berý bir jylǵa uzartylady
ASTANA. Sáýirdiń 14-i. QazAqparat - Ýaqytsha qyrǵyz úkimetingiń basshysy Roza Otynbaeva Associated Press agenttigine bergen suhbatynda eldiń jańa bıligi AQSh úkimetimen «Manas» áskerı bazasyn jalǵa berý shartyn bir jylǵa uzartatynyn málim etti, onyń jaldaý merzimi 2010 jylǵy shildede aıaqtalýy tıis bolatyn,
dep habarlaıdy RBK agenttigi.
Budan basqa R.Otynbaeva taqtan taıdyrylǵan prezıdent Qurmanbek Bakıevtiń qaýipsizdigine kepildik beriletinin málimdedi. «Biz oǵan konstıtýttsııaǵa sáıkes quqyqtarǵa qaýipsizdik kepildigin beremiz», - dedi ol.
«Manas» bazasy AQSh armııasynyń Aýǵanstanǵa ushatyn ushaqtaryna qosymsha janarmaı quıý úshin paıdalanylýda.
Bazany jaldaǵany úshin AQSh ókimeti Qyrǵyz úkimetine jylyna 63 mln. dollar tólep otyr. Ótken aptada AQSh avıatsııasy bul bazany paıdalanýdy Qyrǵyzstandaǵy jaǵdaıdyń turaqsyzdanýyna baılanysty ýaqytsha toqtatty.
Al Q.Bakıevke qatysty aıtar bolsaq, jańa bılik oǵan prezıdenttik ókildigin toqtatqan jaǵdaıda ǵana qaýipsizdikke kepildik beretin bolady. Seısenbi kúni Q.Bakıev eger oǵan jáne otbasyna shynynda qaýipsizdik kepildendiriletin bolsa ǵana perzıdenttik ókilettigin toqtatýǵa ázir ekenin málimdedi.
Sonymen qatar, Q.Bakıevtiń málimdemesinen buryn ýaqytsha úkimet óz dekretimen prezıdenttiń derbes quqyqtylyǵyn alyp tasaýǵa qaýly shyǵardy. Jańa úkimet eger Q.Bakıev ózi berilmese, ony ustaý jóninde arnaıy operatsııa júrgiziletinin atap ótti. Mundaı sharalar taǵy da janjaldar shyǵyp ketpeýi úshin qajet, óıtkeni Q.Bakıev Qyrǵyzstannyń ońtústiginde ózin qoldaıtyn mıtıngiler uıymdastyryp júr.
