Manar Smaǵul: Vaktsınanyń shyǵarylýy – qaýipti indettiń aldyn alýǵa qol jetkizý
NUR-SULTAN. QazAqparat – QR Densaýlyq saqtaý mınıstrliginiń Almaty qalalyq Qoǵamdyq densaýlyq saqtaý ulttyq ortalyǵyna qarasty «Sanıtarııa-epıdemıologııa saraptama jáne monıtorıng ǵylymı-praktıkalyq ortalyǵy» fılıalynyń ınfektsııalyq jáne parazıttik aýrýlar basqarmasynyń basshysy Manar Smaǵul koronavırýsqa qarsy vaktsınany egýdiń mańyzy, onyń qanshalyqty qaýipsiz ekendigi jáne vaktsına egýge qatysty dúnıe júzindegi basqa memleketterdiń tájirıbe qandaı ekeni týraly aıtty, dep habarlaıdy QazAqparat tilshisi.
«Koronavırýsqa qarsy vaktsınanyń shyǵarylýy – búkil álemdi alańdatqan indettiń mańyzdy jáne tıimdi aldyn alý sharasyna qol jetkizgenimiz dep oılaımyn. Vaktsına – medıtsına salasyndaǵy aıtýly jetistikterdiń biri. Olaı ekenine ózimiz de kýá bolyp otyrmyz. Vaktsınanyń arqasynda dúnıe júzinde sheshek derti joıyldy. Osydan 20 jyl buryn álem boıynsha kóp memlekette polıomıelıt aýrýy órshise, qazirgi ýaqytta vaktsına arqyly onyń taralýy azaıdy. Búgingi tańda osy aýrý boıynsha eki memleket qana endomııalyq aımaqqa kiredi», - deıdi QR Densaýlyq saqtaý mınıstrliginiń Almaty qalalyq Qoǵamdyq densaýlyq saqtaý ulttyq ortalyǵyna qarasty «Sanıtarııa-epıdemıologııa saraptama jáne monıtorıng ǵylymı-praktıkalyq ortalyǵy» fılıalynyń ınfektsııalyq jáne parazıttik aýrýlar basqarmasynyń basshysy Manar Smaǵul.
Sondaı-aq, ol vaktsına egý arqyly qyzylsha, qyzamyq, dıfterııa, gepatıt aýrýlarynyń juǵý deńgeıi tómendegenin aıtty.
«Dúnıe júzilik densaýlyq saqtaý uıymynyń maqsaty – osy dertterdi túbegeıli joıý. Álem boıynsha 42 memleket koronavırýsqa qarsy vaktsınany da qabyldaýǵa sheshim qabyldap otyr. Onyń ishinde 36 memleket – Italııa, AQSh, Izraıl sııaqty damyǵan elder. Al TMD memleketteri arasynda ázirge Reseı men Belarýs sheshim qabyldady. Bul sharaǵa Qazaqstan bıyl aqpan aıynan bastap qosylady. DDSU málimetine súıensek, osy ýaqytqa deıin dúnıe júzi boıynsha 95 612 000 adam aýyrǵan, onyń ishinde 2 mıllıonnan astamy ólim-jitim jaǵdaıymen aıaqtalǵan. Vaktsına egýdiń eń basty maqsaty – ólim-jitim jaǵdaıyna jetkizbeý, aýrýdyń aldyn alý», - deıdi basqarma basshysy.
Ol dáriger vaktsına ekpes buryn oǵan qarsy kórsetilimder bar-joǵyn anyqtap alatynyn jetkizdi.
«Eshkim kóshede ketip bara jatqan adamdy ustap alyp, vaktsına egýge májbúrlemeıdi. ıAǵnı, ár adamnyń vaktsına ektirý-ektirmeý týraly tańdaý múmkindigi bar. Durysy – odan bas tartpaý. Vaktsına ektirgen adam koronavırýs juqtyrǵan jaǵdaıdyń ózinde jeńil túrde aýyratyn bolady», - dep atap ótti sarapshy.
DDSU málimeti boıynsha, koronavırýsqa qarsy vaktsına ektirgen eń alǵashqy el Izraıl bolyp otyr.
Manar Smaǵuldyń aıtýynsha, 20 qańtardaǵy aqparatqa sáıkes qazirgi ýaqytqa deıin bul elde 2 mıllıon adamǵa vaktsına egilgen. Al jalpy álem boıynsha 56 mıllıonnan astam doza qabyldanǵan. Bizdiń memleket Reseıde shyǵarylǵan vaktsınany qoldanatyndyqtan, ótken aptada sol jaqtyń mamandarymen kezdesý ótkizdi. Reseıdiń mamandary vaktsına ektirgen adamdar vaktsınany jeńil qabyldaǵanyn aıtty, demek eshkim zardap shekpegen.
Sondaı -aq ol koronavırýsqa qarsy vaktsına jyldam jasalǵanyn aıtty.
«Az ýaqytta osyndaı vaktsına shyǵarý úshin qanshalyqty kúsh biriktirý kerek ekenin túsinip otyrǵan shyǵarsyz. Bul indet densaýlyq saqtaý salasyna ǵana emes, ómirdiń barlyq salasyna qatysty keri áserin tıgizdi, sol sebepti qysqa merzimde vaktsına jasap shyǵarýdyń mańyzy zor boldy. Keı vaktsınany jasaýǵa 10 jyl ýaqyt qajet bolsa, endi bir vaktsınaǵa odan azdaý ýaqyt ketedi. Al koronavırýsqa qarsy kandıdat vaktsınanyń sany – 150. Sonyń ishinde úsheýi qoldanýǵa resmı túrde ruqsat aldy», - deıdi ol.
