Manıak týraly aqparat jalǵan - QR ІІM
ASTANA. QazAqparat - Almaty qalasynda jáne Qaraǵandy oblysynda belgisiz manıaktyń balalardy urlaýǵa tyrysqandyǵy týraly aqparat shyndyqqa janaspaıdy. Bul týraly QazAqparat tilshisine QR ІІM Memlekettik til jáne aqparat departamentiniń dırektory Almas Sadýbaev málim etti.
«Almaty qalasynda jáne Qaraǵandy oblysynda belgisiz manıaktyń balalardy urlaýǵa tyrysqandyǵy týraly aqparat shyndyqqa janaspaıdy. Bul eski aqparat. Ony biz 2014 jyly teksergen bolatynbyz. Aqparattyń bizdiń elimizge eshqandaı qatysy joq. Sondyqtan alańdaýdyń da reti joq. El aýmaǵynda kámelettik jasqa tolmaǵandarǵa qatysty birneshe ashylmaǵan qylmystyq árekettiń tirkelmegendigin resmı málimdeımin. El zańnamasyna sáıkes jalǵan aqparat taratý qylmystyq jaýapkershilikke ákep soǵatyndyǵyn taǵy da bir márte eskertkim keledi. Qazirgi ýaqytta aqparattyń taralý kózin anyqtaý boıynsha sharalar qabyldanýda», - dedi Almas Sadýbaev.
Aıta keteıik, vatsap arqyly qazirgi ýaqytta jas shamasy 25-terdegi manıak týraly aqparat taraýda. Tipti, keıingi ýaqytta aýdıo jazba da paıda bolyp, onda manıaktyń Saran qalasyndaǵy júıke aýrýyna shaldyqqandar aýrýhanasynan qashyp ketkendigi jáne onyń Temirtaý qalasynda boı kórsetkendigi aıtylǵan edi.
