Mamyrdyń 4-i kúni eldiń basym bóliginde jaýyn jaýyp, jel kúsheıedi
ASTANA. QazAqparat - Atmosferalyq frontaldy bólikterdiń ótýine baılanysty Qazaqstannyń soltústigi men shyǵysynda jańbyr jaýady, keı jerlerde nóserletedi. Eldiń batysy men ońtústik bóliginde ǵana jaýyn-shashyn bolmaıdy. Bul týraly QazAqparat «Qazgıdromet» RMK-nyń málimetterine silteme jasap habarlaıdy.
Respýblıkanyń keı jerlerinde túman túsip, jel kúsheıedi, ońtústikte shańdy daýyl kóteriledi, burshaq jaýýy da yqtımal.
Aqmola oblysynda keı jerlerde jeldiń jyldamdyǵy sekýndyna 15-20 metrge jetip, kúndiz ekpini 23-28 metr bolady. Daýyl turyp, burshaq jaýýy da múmkin.
Soltústik Qazaqstan, Qaraǵanda oblystarynyń birqatar aımaqtarynda sekýndyna 15-20 metr jyldamdyqpen jel soǵýy múmkin, ekpini 23-28 metrge jetýi de yqtımal. Burshaq jaýyp, túnde jáne tań ata tuman túsedi degen boljam bar.
Shyǵys Qazaqstan oblysynda kúndiz jeldiń jyldamdyǵy sekýndyna 15-20 metrge jetedi, túnde jáne tań ata tuman túsýi múmkin.
Ońtústik Qazaqstan, kúndiz Qyzylorda, Jambyl, Mańǵystaý, Aqtóbe oblystarynda jel kusheıip, jyldamdyǵy sekýndyna 15-23 metrge jetedi. Ońtústik Qazaqstan, Qyzylorda oblystarynda jeldiń sońy shańdy daýylǵa ulasady.
Pavlodar oblysynyń birqatar aımaqtarynda jyldamdyǵy sekýndyna 15-20 metr bolatyn jel soǵady, ekipin 23-28 metrge jetedi.
Qostanaı oblysynda jeldiń kúshi sekýndyna 15-20 metrge jetedi, kúndiz ekpini sekýndyna 23 metr bolady. Burshaq jaýýy da yqtımal.
