Mamyrdan bastap 1619 kópbalaly otbasyna baspana berildi – Roman Sklıar
NUR-SULTAN. QazAqparat – Kópbalaly otbasylarǵa 7,5 myńǵa tarta páter beriledi. Bul týraly Úkimet otyrysynda Indýstrııa jáne ınfraqurylymdyq damý mınıstri Roman Sklıar málim etti, dep habarlaıdy QazAqparat tilshisi.
«Jergilikti atqarýshy organdarda kezekte turǵandar úshin satyp alýsyz jalǵa beriletin turǵyn úı salýǵa jáne satyp alýǵa 32,8 mlrd teńge kózdelgen. Óńirlerge 14,9 mlrd teńge aýdaryldy, 14,8 mlrd teńge nemese 99% ıgerildi. Qarajattyń tómen ıgerilýi Mańǵystaý oblysynda baıqaldy (82%). Bıyl kezekte turǵandar úshin 6 myń páterdi paıdalanýǵa berý josparlanýda. 1 shildede 924 páter (47,6 myń sharshy metr) berildi», - dedi mınıstr.
Onyń sózine qaraǵanda, kópbalaly otbasylar úshin jalǵa beriletin turǵyn úı salýǵa jáne satyp alýǵa 50 mlrd teńge qarastyryldy (qurylysqa–27,6 mlrd teńge, satyp alýǵa - 22,4 mlrd teńge). Qarjylandyrý jospary boıynsha óńirlerge 9,7 mlrd teńge aýdaryldy, onyń 9,6 mlrd teńgesi nemese 99,6% ıgerildi. Barlyq kózderden 7482 páter berý josparlanýda.
«Mamyr aıynan bastap 1619 kópbalaly otbasyna turǵyn úı berildi»,- dedi R. Sklıar
